संकटमोचन हनुमानाष्टक - बाल समय रवि भक्षी | Bal Samay Ravi Bhaksh

संकटमोचन हनुमानाष्टक

बाल समय रवि भक्षी लियो तब,

तीनहुं लोक भयो अंधियारों ।

ताहि सों त्रास भयो जग को,

यह संकट काहु सों जात न टारो ।

देवन आनि करी बिनती तब,

छाड़ी दियो रवि कष्ट निवारो ।

को नहीं जानत है जग में कपि,

संकटमोचन नाम तिहारो ।

बालि की त्रास कपीस बसैं गिरि,

जात महाप्रभु पंथ निहारो ।

चौंकि महामुनि साप दियो तब ,

चाहिए कौन बिचार बिचारो ।

कैद्विज रूप लिवाय महाप्रभु,

सो तुम दास के सोक निवारो ।

अंगद के संग लेन गए सिय,

खोज कपीस यह बैन उचारो ।

जीवत ना बचिहौ हम सो जु ,

बिना सुधि लाये इहाँ पगु धारो।

हेरी थके तट सिन्धु सबे तब ,

लाए सिया-सुधि प्राण उबारो ।

रावण त्रास दई सिय को सब ,

राक्षसी सों कही सोक निवारो ।

ताहि समय हनुमान महाप्रभु ,

जाए महा रजनीचर मरो ।

चाहत सीय असोक सों आगि सु ,

दै प्रभुमुद्रिका सोक निवारो ।

बान लाग्यो उर लछिमन के तब ,

प्राण तजे सूत रावन मारो ।

लै गृह बैद्य सुषेन समेत ,

तबै गिरि द्रोण सु बीर उपारो ।

आनि सजीवन हाथ दिए तब ,

लछिमन के तुम प्रान उबारो ।

रावन जुध अजान कियो तब ,

नाग कि फाँस सबै सिर डारो ।

श्रीरघुनाथ समेत सबै दल ,

मोह भयो यह संकट भारो ।

आनि खगेस तबै हनुमान जु ,

बंधन काटि सुत्रास निवारो ।

बंधू समेत जबै अहिरावन,

लै रघुनाथ पताल सिधारो ।

देबिन्हीं पूजि भलि विधि सों बलि ,

देउ सबै मिलि मन्त्र विचारो ।

जाये सहाए भयो तब ही ,

अहिरावन सैन्य समेत संहारो ।

काज किये बड़ देवन के तुम ,

बीर महाप्रभु देखि बिचारो ।

कौन सो संकट मोर गरीब को ,

जो तुमसे नहिं जात है टारो ।

बेगि हरो हनुमान महाप्रभु ,

जो कछु संकट होए हमारो ।

दोहा

लाल देह लाली लसे , अरु धरि लाल लंगूर ।

वज्र देह दानव दलन , जय जय जय कपि सूर ।।

यह भी पढ़े : 

श्री हनुमान जी की आरती - आरती कीजै हनुमान लला की
शिव चालीसा - नियमित पाठ करने से होंगे अत्यधिक लाभ
श्री दुर्गा चालीसा - दुखों को संहार करके, सुख-समृद्धि देने वाली जगत जननी माँ दुर्गा का आलौकिक पाठ

हनुमान जी की आरती  : आरती कीजै हनुमान लला की
श्रीराम-स्तुति : श्री रामचंद्र कृपालु भजुमन हरण भवभय दारुणं
श्रीरामावतार : भए प्रगट कृपाला दीनदयाला कौसल्या हितकारी
श्रीरामवन्दना : आपदामपहर्तारं दातारं सर्वसम्पदाम्